Ақтерек сауықтыру лагерінде «Қазына аралына саяхат» квест ойыны өтті

Ақтерек сауықтыру лагерінде балалардың ұйымшылдығын, тапқырлығы мен жылдам ойлау қабілетін дамыту мақсатында «Қазына аралына саяхат» атты қызықты квест ойыны ұйымдастырылды.
Квест барысында қатысушылар карта бойынша белгіленген бекеттерден өтіп, түрлі логикалық тапсырмалар мен жұмбақтарды шешті, ептілік пен зеректікті қажет ететін сынақтарды сәтті орындады. Әр кезеңде балалар бір-біріне қолдау көрсетіп, ұйымшылдық пен достықтың жарқын үлгісін танытты.

Ойын соңында барлық тапсырмаларды сәтті орындаған топтар қазынаға қол жеткізіп, көтеріңкі көңіл күй мен ұмытылмас әсерге бөленді.

Осындай қызықты іс-шаралар балалардың ой-өрісін кеңейтіп, көшбасшылық қасиеттерін дамытып, белсенді демалыс ұйымдастыруға үлкен мүмкіндік береді.

✨ Барлық қатысушыларға белсенділіктері үшін алғыс айтып, жаңа жеңістер мен жарқын сәттер тілейміз!