“Дін мен дәстүр” тақырыбында түсіндірме жұмыстары өтті

Ақтерек сауықтыру лагерінде ұлттық құндылықтарды дәріптеу және рухани тәрбие беру мақсатында «Дін мен дәстүр» тақырыбында түсіндірме жұмыстары ұйымдастырылды.

Кездесу барысында балаларға халқымыздың салт-дәстүрлері мен ұлттық құндылықтарының маңызы, дін мен дәстүрдің өзара сабақтастығы жөнінде кеңінен ақпарат берілді. Сондай-ақ, жастарды адамгершілікке, үлкенді құрметтеуге, кішіге ізет көрсетуге және ел бірлігін сақтауға тәрбиелеудің мәні түсіндірілді.

Іс-шара жас ұрпақтың рухани дүниесін байытып, ұлттық мәдениетке деген құрметін арттыруға ықпал етті.

✨ Дәстүрін қадірлеген елдің болашағы жарқын, ал рухани құндылықтар – ұлттың асыл қазынасы!